Roza Zergerli - место жительства и мобильный номер

Səhifəmə daxil olan hamınıza xoş gəldin deyirəm, məni tanımağınız üçün lazım olan məlumatları yerləşdirmişəm, beləliklə gəlin tanış olaq! 1979-cu il, martın 27-də Rusiya Federasiyasının Tümen vilayətinin Labıtnangi şəhərində, hərbçi ailəsində anadan olmuşam. Musiqiyə uşaqlıqdan həvəs göstərmişəm, bu həvəslə 10 il çalışmışam, maraqlıdır ki, ilk öyrəndiyim alət akkardion olub. Daha sonr…a fortepiano sinifinə daxil olub, yeddi illik musiqi məktəbini dörd ilə bitirib Musiqi Texnikumuna daxil olub, oradan fərqlənmə diplomu ilə təhsilimi başa vurdum. Musiqi mənim üçün Musiqi Akademiyasında da davam etdi və oradan da vokal ixtisası üzrə fərqlənmə diplomu ilə məzun oldum. İncəsənətin digər növləri də hər zaman mənim üçün diqqət mərkəzində olmuşdur. Buna görə də mən İncəsənət universitetində təhsil almağa qərar verdim, 2007-ci ildə oranı rejissorluq ixtisası üzrə fərqlənmə diplomu ilə bitirdim. Hər şeyin gözəlini sevirəm, bu siyahıya musiqinin hər bir növü, xüsusilə də ruhumun dərinliklərinə hopmuş Azərbaycan xalq mahnıları, korifey bəstəkarların əsəri daxildir. Hazırda isə Avropa musiqisini daha yaxşı təqdim etmək üçün Avropa və dünya musiqisinin incəliklərini öyrənirəm. Bu günədək iki albom, yeddi klip çəkdirdim, altısının müəllifiyəm, bir dəfə isə digər rejissorla işlədim. Hələlik bu qədər! Diqqətinizə görə sağ olun! Tez-tez qonağım olun, bu məni ancaq məmnun edər! Hamımıza uğurlar! Hörmətlə, Roza Zərgərli.